“Hoxe celebramos que a lotería séguenos a tocar
cada dia. Que compartir é o mellor que nos pode pasar. Que aínda que vivimos nun
mundo consumista con “pouco pódese facer moito”.
Brindamos coa veciñanza, coas persoas voluntarias,
coas coñecidas e extrañas….e celebramos que un ano máis chega e estamos aquí
para darlle a benvida.
Queremos tamén lembrarnos de todas as persoas das
que nos tivemos que despedir no 2015: nove persoas que xa non están entre nós e
que tivemos a sorte de coñecer e medrar xunto a elas. Tamén están na nosa mente
as que tiveron que emigrar para poder vivir, pero que siguen cerca. Por todas
as que foron pasando e que fumos coñecendo grazas a Médicos do Mundo.
Esperamos que o 2016 sexa un ano de loita e forza.
Aquí estamos”. - Cóntanos Patricia, técnica do CEREDA, despois da emotiva
despedida do ano no centro.
Son moitas as persoas en
situación de vulnerabilidade as que están a sobrevivir nas rúas. Cada seis días
morre unha persoa sen fogar en España segundo o minitro de Sanidade, Servizos
Sociais e Igualdade, Alfonso Alonso, na roda de prensa posterior ao Consello de
Ministros que aprobou a Estratexia de Persoas Sen Fogar.
O
traballo diario con estas persoas e o contacto con esta continua realidade de
inxustiza social require da creación de espazos de respiro nos que as persoas
voluntarias, técnicas, axentes de saúde e incluso axentes de barrio se reúnan
para seguir creando, debatindo, compartindo e mellorando. O feito de invitar ás
axentes de barrio así como veciños/as e comerciais é clave para seguir loitando
na reconciliación das diferentes realidades.
Esta vez
tocou reunirse para celebrar, para brindar polo ano de traballo, polas que marcharon
e polas que chegaron, polas tensións e polas alegrías, polos erros e polos
acertos, pero sobre todo por seguir crendo en que as cousas se poden facer
doutra maneira mentras se crean.
Marta Pernas (voluntaria MDM)