Comezan as sesións formativas sobre o dereito á saúde para persoas inmigrantes

Durante o mes de agosto as persoas voluntarias do programa de mellora do acceso á saúde de persoas inmigrantes están a desenvolver en colaboración con diferentes asociacións e concellos de Galicia, palestras sobre o dereito á saúde, o acceso ao sistema sanitario e obradoiros de saúde en situacións de primeira necesidade (primeiros auxilios, saúde materno-infantil etc.).

A pasada semana estas formacións tiveron lugar en Burela, Boiro e Ribeira. En Burela, a palestra sobre “Vías de acceso á asistencia sanitaria en Galicia para persoas inmigrantes” organizada en colaboración co concello, reuniu 24 persoas, na súa meirande parte procedentes de Perú e Cabo Verde. As súas dúbidas estiveron relacionadas coas condicións e dificultades para o recoñecemento de asegurada ou beneficiaria polo Instituto Nacional de Seguridade Social.

As vindeiras charlas deste ciclo serán:

“Primeiros auxilios”

- 6 de agosto (10 a 14h). A Coruña. Asociación TERANGA (Praza de Mª Auxiliadora, 7)

- 7 de agosto (16 a 20h). Ourense. Asociación TERANGA (Rúa Peña Trevinca, 8)
- 13 de agosto (9 a 14h). Negreira. Casa da Cultura.

“Protocolo de seguridade e vulneracións do dereito á saúde”

- 10 de agosto (18 a 19:30h). A Coruña. Asociación Veciñal AGRA (Entrepeñas, 38)

“Mediación no contexto sanitario”

- 17 de agosto (18 a 19:30h). A Coruña. Asociación Veciñal AGRA (Entrepeñas, 38)

Calquera persoa interesada en participar ou recibir máis información pode contactar con: belen.torron@medicosdelmundo.org

INICIO DA FORMACIÓN SOBRE ACCESO Á SAÚDE DE PERSOAS INMIGRANTES

Neste mes de xullo, Médicos do Mundo Galicia dá inicio ás sesións formativas relativas ao programa Polo dereito á saúde das persoas inmigrantes. Estas sesións serán abertas a todas as persoas interesadas en asistir. As datas e horarios previstos son:

• 14 de xullo (18 a 21h) Desmontando mitos e crenzas sobre a poboación inmigrante
• 21 de xullo (18 a 21h) Inmigración e dereitos. Lei de Extranxeiría

Pendentes de concretar:

• Acceso á saúde das persoas inmigrantes (tramitacións)
• Dereitos Humanos e Dereito á saúde
• Xénero e igualdade

As sesións terán lugar no Centro Sociocultural A Trisca (Corredoira das Fraguas, 92. Barrio de San Pedro. Santiago de Compostela). Ver enderezo aquí.

Ademais, nestas últimas semanas o grupo de persoas voluntarias do programa de inmigración ten participado nas seguintes actividades:

• 
  Realización dunha charla con persoas inmigrantes na Facultade de Económicas da USC, ao redor da defensa dos dereitos humanos e as vulneracións do dereito á saúde. Onde foron presentadas as conclusións do estudio europeo EL ACCESO A LA SANIDAD DE LAS PERSONAS EN SITUACIÓN DE MAYOR PRECARIEDAD EN UNA EUROPA EN CRISIS SOCIAL e do informe DOS AÑOS DE REFORMA SANITARIA, MÁS VIDAS HUMANAS EN RIESGO

• 
  Participación no Encontro do Foro Galego de Inmigración, cuxa actividade podedes consultar na seguinte ligazón: http://forogi.wordpress.com/
  
  

O grupo de voluntarias do programa de inmigración reúnese o primeiro luns de cada mes. Se estás interesada en participar ou coñecer o traballo deste programa contacta connosco a través do correo-e: belen.torron@medicosdelmundo.org