Día Mundial da Saúde

Madrid, luns 6 de abril de 2015. Os recortes en financiamento a nivel nacional e internacional e as restricións lexislativas ao dereito á saúde están dado lugar a unha situación de desprotección da cidadanía, especialmente rechamante nun mes de abril declarado como “Mes da saúde” pola Comisión Europea. Médicos do Mundo quere destacar que para reverter esta situación é imprescindible o compromiso político na defensa do dereito á saúde e dos sistemas públicos de saúde xa que son os únicos que poden garantir os obxectivos compartidos de universalidade, equidade e calidade dos servizos sanitarios.

Como sinala a Organización Mundial da Saúde (OMS), non será posible afrontar os actuais retos para a saúde mundial se non se reforzan os sistemas públicos. Así, os principios da Declaración de Alma Ata: equidade, acceso universal, acción intersectorial, participación da comunidade e orientación dos servizos de saúde cara á prevención, acordados hai case 40 anos na Conferencia Internacional sobre Atención Primaria de Saúde celebrada en Alma Ata, Kazajistán, en 1978 seguen hoxe tan vixentes e necesarios como entón.

Recortes económicos e retrocesos sociais no estado español

Coa posta en marcha da reforma sanitaria de 2102, baixo a escusa da crise económica, impúxose unha transformación estrutural do modelo do Sistema Nacional de Saúde (SNS) que non só deixou por centos de miles de persoas sen asistencia sanitaria, ademais situounos nun desfasado sistema de aseguramento e copago pola prestación de determinados servizos. A medida anunciada hai poucos días polo Ministro de Sanidade, de permitir ás persoas estranxeiras en situación irregular acceder á Atención Primaria pero sen proporcionarlles Tarxeta Sanitaria, non rectifica de ningún modo este retroceso en dereitos humanos sinalado por diferentes organismos internacionais de dereitos humanos.

A Rede Galega contra a Trata organiza as III Xornadas contra a trata: investigación, detección e protección das vítimas

A Facultade de Humanidades do Campus de Lugo acolle o venres 19 de setembro a 3ª edición das xornadas contra a trata que se centran na detección da trata con fins de explotación sexual e a intervención coas vítimas. O programa conta coa participación de expertos que falarán sobre o proceso da trata e daqueles  indicadores que axudan á súa detección sen deixar de lado as experiencias de traballo con mulleres vítimas. 

Organizada pola Rede galega contra a trata ten vocación práctica para ofrecer ferramentas útiles e axeitadas para que poidan ser usadas polos diferentes axentes sociais. Forman parte desta rede dez entidades do ámbito social: ACCEM A Coruña, Adoratrices Ourense (Érguete Muller), Asociación Faraxa Vigo, Cáritas Lugo (Programa Muller), Cáritas Ourense (Alumar), Médicos do Mundo Galicia, Oblatas Ferrol (O Mencer, Oblatas Santiago (Vagalume), Aliad-Ultreia Lugo e Ecos do Sur A Coruña e a investigadora Silvia Pérez Freire.

Este é o programa das xornadas.

E podedes atopar aquí o formulario para a inscrición.

Multitudinaria manifestación a prol da apertura do centro de inclusión social.

Fotos: manifestación 16 setembro 2010

Segundo a Constitución, vivimos nun Estado social e democrático de dereito, baseado en principios como a igualdade, a xustiza e a liberdade. Segundo o Artigo 47, todos os cidadáns e cidadás teñen dereito a unha vivenda digna e adecuada: non sei se polo concepto excluínte de cidadanía, ou por caprichos do benestar, pero isto segue a ser unha ficción. É a clase política a que debe desenvolver e defender os dereitos plantexados na Constitución. Sen embargo as constantes loitas partidistas conseguiron converter os nosos dereitos en burlas; non só o dereito á vivenda, senón tamén o dereito a unha vida digna, á igualdade, ó pleno desenvolvemento da personalidade, etc. Temos visto morrer persoas na rúa, e vimos e vemos persoas vivir cada día sufrindo mentres que o que chamamos sociedade mira cara a outro lado.

             Por iso, a RSGS convocou á cidadanía o día 16 de setembro de 2010, para ESIXIR que isto deixe de ser unha ficción. Ós máis de 300 sen teito da cidade correspóndelle por dereito un teito baixo o que durmir. E non só iso, senón un centro que, ademáis de permitirlles levar unha vida digna, que cubra as súas necesidades máis básicas e coidados sociosanitarios, supoña unha plataforma a unha recuperación persoal que lles permita a saída do círculo da pobreza e da exclusión social.

            Este centro debe estar aberto todo o ano, xa que a vida non ten vacacións, e debe permitir a estancia prolongada das persoas usuarias durante o tempo que sexa necesario para que o equipo multidisciplinar co que debe contar constrúa con eles os seus proxectos vitais.

            A RSGS non vai entrar en cuestións de emprazamento, senón de calidade: o centro debe cumprir determinados criterios básicos para evitar máis vulneracións de dereitos, cuestión que é compartida por Médicos do Mundo.

Acto da RSGS do 15 de abril

   O dia 15 de abril de 2010, a Rede Social Galicia Sur, da que forma parte activamente Médicos do Mundo, convocou a toda a cidadania a unha concentración e posterior marcha en Vigo en prol da apertura inmediata do Centro de Inclusión Social.  Primeiro concentrámonos na entrada do museo Marco, desplegando as nosas tendas de campaña como símbolo das duras condicións nas que teñen que vivir centros de persoas na cidade que non dispoñen dunha vivenda digna. Posteriormente dirixímonos cara a Praza da Constitución para ler o manifesto onde reclamamos unha vez máis, a inmediata apertura do Centro de Inclusión Social tantas veces prometido pola clase política. 

APERTURA DO CENTRO DE INCLUSION SOCIAL EN VIGO XA!!

A Rede Social Galicias Sur , RSGS, propuxo a realización dun acto para reclamar a necesidade de apertura dun centro de inclusión social público na cidade de Vigo para as Persoas sen Fogar.
O acto  consistirá nunha concentración diante do MARCO (rúa do Príncipe) o xoves 15 de abril de 2010 ás 19:30 ,  para posteriormente marchar ata a praza da Constitución pola mesma rúa do Príncipe e cruzando a Porta do Sol.
Por favor redistribue entre os vosos contactos esta info para  poder chegar a máis xente.

Qué?: marcha- concentración
Cando?: Xoves 15 de abril ás 19:00 h
Onde?: diante do MARCO (rúa Príncipe) ata a Praza da Constitución
Por qué?: reclamación da apertura do Centro de Inclusión Social

Grupo de Inclusión Social MdMVigo

 

Dende o ano 2001 temos presenza continuada en Vigo.
A dia de hoxe xa somos un grupiño de persoas que traballamos por temas de xustiza social.