A Rede Galega contra a Trata organiza as III Xornadas contra a trata: investigación, detección e protección das vítimas

A Facultade de Humanidades do Campus de Lugo acolle o venres 19 de setembro a 3ª edición das xornadas contra a trata que se centran na detección da trata con fins de explotación sexual e a intervención coas vítimas. O programa conta coa participación de expertos que falarán sobre o proceso da trata e daqueles  indicadores que axudan á súa detección sen deixar de lado as experiencias de traballo con mulleres vítimas. 

Organizada pola Rede galega contra a trata ten vocación práctica para ofrecer ferramentas útiles e axeitadas para que poidan ser usadas polos diferentes axentes sociais. Forman parte desta rede dez entidades do ámbito social: ACCEM A Coruña, Adoratrices Ourense (Érguete Muller), Asociación Faraxa Vigo, Cáritas Lugo (Programa Muller), Cáritas Ourense (Alumar), Médicos do Mundo Galicia, Oblatas Ferrol (O Mencer, Oblatas Santiago (Vagalume), Aliad-Ultreia Lugo e Ecos do Sur A Coruña e a investigadora Silvia Pérez Freire.

Este é o programa das xornadas.

E podedes atopar aquí o formulario para a inscrición.

Xornada de formación sobre trata de persoas.

   O primeiro sábado de outubro adicámonos dende a sede de Médicos do mundo de Compostela a profundizar máis sobre a trata de persoas.
En verdade, o término profundizar resulta errado xa que vai vencellado a un mínimo de coñecemento previo sobre o tema; e, permitídeme concluir que cando nos referimos sobre a temática de trata, o que abonda é o descoñecemento mais que outra cousa... ou cicais non?
   Persoalmente puiden comprobar que dentro da carencia de recursos lexislativos, políticos, informativos e de sensibilización, hai voces como a de Martina Kaplún; que a través dunha palestra sinxela, directa e concisa nos despexou o barullo de ideas que alomenos unhas cantas persoas tiñamos.
   Unha que saiu da xornada embriagada por certo pesimismo ao verse incapaz de loitar contra o desinterés dos mandatarios sobre este tema, cómpre facernos unha pregunta: como actuar dentro das nosas limitacións?
   Bon, na nosa man, sempre queda algo por facer...

   Alicia Ares: enfermeira voluntaria da Área de Prostitución de Médicos do Mundo-Galicia